Kæsa er ein mildur og fastur ostur, sum búnast í seks vikur á mjólkavirkinum hjá MBM í Hoyvík. Osturin er framleiddur úr mjólk og bakterium og undirløgu, sum verða latin í. Tá osturin byrjar at harðna, verður hann skorin sundur, eltur saman aftur og lættliga smakkaður til við salti, áðrenn alt verður trýst í formar at búnast liðugt. Kæsa er góður afturvið breyði og egnar seg eisini framúr væl til tapasborðið.