Marmorkøkan er ein kaka, ið flest okkara kunnu minnast aftur á til tíðina sum barn, at man fekk nýbakaða marmorkøku frá mammu ella ommu, og skolað niður við einum køldum glasi av mjólk. Marmorkøkan er tíðarleys og smakkar væl.

Píska smør, sukur og vaniljusukur saman, til tað gerst bleytt og luftigt.

Eftirfylgjandi píska eggini í blandingina, eitt egg í senn.

Koyr súrróman í blandingina og blanda tað væl saman. Síðani sálda mjøl, bakipulvur.

Tá ið, alt er blanda væl saman, lat síðani rivið appilsin skal í.

Tak 1/3 av deigginum frá og koyr kakaopulvur í og rør væl saman.

 

Koyr deiggið í ein vælsmurdan breyðform og deil deiggið í formin og koyr ein gaffil ígjøgnum deiggið varliga, so tað hvíta og brúna ikki verður for væl blanda saman.

Bakast á 170 hitastig í 40min, heita luft.
Hald eyga við kakuni frá 30min markinum.

• 200 gr av bleytum Smøri
• 3 egg
• 1 skal av rivnari vistfrøðiligari appilsin
• 1 spsk av Súrróma 18%
• 2 tsk av vaniljusukri
• 2 tsk bakipulvur
• 175 g hveitimjøl
• 210 g sukur
• 2 spsk kakaopulvur