Við íblástri frá enska rættinum Shepherd's Pie, hava vit gjørt okkara útgávu av rættinum og kallað hann Fjallmansgrýta. Døgurðin er gjørdur við seyðakjøti, grønmeti, Kæsa og heimagjørdum eplamorli. Tað er ein vælumtóktur døgurði, ið er mettandi og fullur av smakki. Val av grønmeti er upp til tann einstaka.

800 gr malið seyðakjøt

2,3 dl Bóndamjólk

60 g Smør

1 stóran leyk

2 Hvítleyks bátar

Salt og pipar

2 spsk tomatpure

1,2 dl oksaboullion

1 spsk mjøl

1 tsk timian

1 tsk rosmarin

1 Kæsa ost

1 kg av eplum

Frystar karottir (smáar gularøtur)

Grønar ertrar

Reyða piparfrukt

Hita gularøturnar í einari grýtu saman við grønertrum.

Smelta smør og brúnka kjøtið í eini grýtu við timian, rosmarin, salt og pipar.

Sker leykin og hvítleykin í smáar bitar og koyr tað í grýtuna, saman við kjøtinum.

Lat síðani tomatpure og oksaboullion í grýtuna og rør væl saman. Stoyt síðani mjølið í og rør væl saman, til tað blívur til javning.

Sker piparfruktina í bitar og lat hana í grýtuna.

Smakka til við salti og pipari.

Lat rættin smákóka, ímeðan grønmeti og eplamorli verða tilgjørd.

 

 

Eplamorl:

 

Flys og sker eplini í fjórðingar og kóka í saltvatni í 15-20 min, til tey eru klár.

Smelta smør og hita 2,3 dl av mjólk, til hon er lunkað.

Stoyt vatnið úr grýtuni og lat eplini liggja í grýtuni í 5 min.

Mosa eplini við einum eplamosara ella gaffli – ikki brúka stavblendara ella pískara !

Lat smør í, í meðan tú mosar eplini.

Lat síðan mjólkina í, til tú fært fastleikan, ið tú vilt hava.

Smakka til við salti og pipari.

 

Ger rættin til:

 

Legg kjøtfarsið í botnin, síðani fyrst grønmeti yvir, síðan rivnan Kæsa yvir og til síðst eplamorl og so inn í ovnin í 20 min, við yvir/undir á 175 hitastig.

 

Vælgagnist !